01:08, 16 Қараша 2015

Самбодан әлем чемпионатында қос қазақстандық спортшы қола жүлдені иеленді

АСТАНА. ҚазАқпарат - Марокконың Касабланка қаласында өтіп жатқан самбодан әлем чемпионатының үшінші күнінде қола жүлдегерлер мен финалға шыққан спортшылар белгілі болды.

Халықаралық самбо федерациясының ресми сайтынан алынған мәліметке қарағанда, қазақстандық Ділдәш Құрышбаева 68 келі салмақта және Есет Қуанов 62 келі салмақта қола жүлдені жеңіп алды. Сонымен қатар әскери самбодан қос бірдей қазақстандық алтын жүлде үшін таласады. 52 келі салмақта Алмас Сүлейменов ресейлік Амыр Бакрасовпен, 68 келіде Арман Оспанов тағы бір ресейлік Рашад Мурадовпен соңғы бәсекелерін өткізеді.

Спорт

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).