Сан-Францисконың орталығында атыс болды
17:30, 17 Қаңтар 2021
САН-ФРАНЦИСКО. ҚазАқпарат - Сан-Францисконың орталығында (Калифорния штаты, АҚШ) болған атыс салдарынан бес адам жарақат алды. Бұл туралы қала полициясы Twitter-де жазды, деп хабарлайды ҚазАқпарат.
«Тергеу жүріп жатыр, атыс салдарынан бес адам зардап шекті», - делінген онда.
Оқиға орнына құқық қорғау органдарының қызметкерлері мен дәрігерлер келіп жетті. Алдын ала мәліметтер бойынша, зардап шеккендердің ешқайсысы ауыр жарақат алмаған. Сондай-ақ полиция қару табылғанын хабарлады.