Санитарлық авиация жыл басынан бері оқиға орнында 86 операция жасаған
Баспасөз мәліметтеріне қарағанда, 2018 жылғы 31 тамызда санитарлық авиация қызметіне Қызылорда облыстық перинаталдық орталығында жатқан 1984 жылы туған пациентке эфферентті терапия - диализ жедел жүргізу қажеттілігі туралы өтінім түскен. Жас босанған әйел ауыр операциялық рәсімдерден өткен және эфферентолог мамандар кеңесі мен мамандандырылған терапия көрсетуге мұқтаж болған.
2018 жылғы 1 қыркүйек күні оған мамандандырылған көмек көрсету мақсатында мамандармен және қажетті медициналық құрал-жабдықтармен санавиация борты ұшып шыққан.
Эфферентолог дәрігерінің кеңесінен кейін сол орнында пацентке медициналық көмек көрсетіліп, диализ рәсімі жүргізілген. Бұл рәсім «бүйрек жеткіліксіздігі» туындаған - екі бүйрек өзінің әдеттегі қызметін орындауға қабілетсіз (немесе мүлдем қабілеті жоқ) жағдайда қажет. Диализ - бұл ағзадан тіршілік ету өнімдерін және артық сұйықтықты жасанды шығару процесі.
Министрліктің мәліметтеріне қарағанда, санитариялық авиация қызметінің арқасында 2018 жылғы 7 ай ішінде ҚР өңірлерінде 1 400 астам мамандандырылған медициналық қызметтер көрсетіліп, оқиға орнында мамандар 86 операция жасаған.
Орталық құрылғаннан бері санитариялық авиация қызметі 15 мыңнан астам қазақстандықтарға көмек көрсеткен. Оның ішінде: акушерлік патологиясы бар 2 537 әйелге, 2 460 жаңа туған нәрестеге, балалар жасындағы патологиясы бар 3 249 балаға, қан айналым жүйесінің ауруы бойынша 2 365 пациентке, 3 177 жазатайым оқиғалардан, улану мен жарақаттанудан зардап шеккендерге және өзге де аурулары бар 1 458 пациенттерге көмек көрсетілген.
Естеріңізге сала кетейік, санитарлық авиация қызметінің негізгі мақсаты - медициналық көмекті қолжетімді ету және жедел көрсету. Бұл мәселе әсіресе, ауыл халқы үшін өзекті. Өйткені мұнда ауылдық елді мекендерде жоқ мамандандырылған медициналық көмек туралы айтылып отыр.