Петербордағы Тұмау ғылыми-зерттеу институтынан ҚазАқпарат тілшісіне хабарлағанындай, ересектерге жасалған вакцина сынағының алдын-ала оң нәтижелері алынып отыр, сондықтан да енді оны балаларға егу сынағын бастау туралы шешім қабылданған.
Естеріңізге сала кетейік, A/H1N1 тұмауы вирусына қарсы вакцинаның клиникалық сынағы Петерборда ағымдағы жылы қыркүйектің 10-ында басталған болатын және сынақ екі кезеңде өткен еді. Бірінші кезеңде «тірі» вакцина сыналса, екінші кезеңде -инактивтелген вакцина сынақтан өткізілді. Екі вакцинаның сынағын қараша айында аяқтау жоспарлануда.