Бұл туралы бүгін «Қазақстан Республикасындағы Қарулы Күштердің цифрлық трансформациясы» баспасөз конференциясында Қорғаныс министрінің цифрландыру жөніндегі орынбасары Дархан Ахмедиев мәлімдеді.
– Біз «Sarbaz 2.0» жобасы аясында жасанды интеллект элементтерін енгізуді қарастырып жатырмыз. Олар ЖОО берген ұсынымдарды пайдаланушы профилі арқылы бағдарламаларды таңдауды, құжаттарды автоматты түрде тану мен тексеруді, сондай-ақ оқу үлгеріміне талдау жүргізуді және ЖОО-ға түсу бойынша ұсынымдар беруді қамтиды. Пайдаланушы SMS немесе e-mail арқылы хабарлама алады. Ал басшылық осы портал арқылы статистиканы бақылап, талдау жасай алады. Жобаға енгізілген чат-бот жиі қойылатын сұрақтарға жауап бере алады. Бұл бойынша қазір жұмыстар атқарып жатырмыз, – дейді Дархан Ахмедиев.
Еске сала кетейік, бұған дейін 20 мың жігіттің әскерден қашып жүргені туралы хабарлаған едік.