ОРАЛ. Қаңтардың 2-сі. ҚазАқпарат /Ғайсағали Ералы/ - Батыс Қазақстан облысының Теректі ауданындағы Сарыөмір ауылына таза су келді,
деп хабарлайды ҚазАқпарат тілшісі.
Ауылға су құбырын жүргізуге 177274,16 мың теңге жұмсалды. Жобаға сәйкес электр қуаты, 12,9 шақырым су құбыры, 9 шақырым ауылішілік желі тартылып, су қоймасы, сорғылы стансы, әрқайсысы 150 текшеметрлік екі резервуар салынды. Құрылысты «Су арнасыҚұрылысСервис» ЖШС жүргізді.
Қазіргі кезде ауыз сумен Сарыөмір ауылына жер сілкінісіне байланысты Рыбцехтан көшіп келгендер де қамтылып отыр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).