Еріктілер мен демеушілерге қала әкімі Асқар Ыдырысов алғысын білдірді:
«Мұқтаж адамдарға көмектесуге және игілікті іске ақша беруге дайын адамдардың саны үнемі өсіп келеді. Мұның дәлелі – «Мейірім шуағы» қайырымдылық акциясын өткізуге жерлестеріміз сыйға тартқан ұжымдар атынан аударылған жеке қаражат. Біздің кәсіпкерлер мен қарапайым тұрғындардың өзгелердің қайғысына бей-жай қарамауы – бұл адамның игі істері мен іс-әрекеттерімен көп нәрсе жасай алатындығының, тіпті айналасындағы әлемді өзгерте алатындығының жарқын мысалы».
Қайырымдылық қызметтің қорытындысын шығару шарасында ерекше қажеттіліктері бар 30 адам 30 мың теңгеге сертификаттар алды, «Технодом» СҮ филиалынан ата-анасының қамқорлығынсыз қалған екі балаға теледидар берілді, «Владимир Пепелко» ЖК-нен ерекше қажеттіліктері бар балаға мүгедектер арбасы сыйға тартылды.
Ал мүмкіндігі шектеулі бала тәрбиелеп отырған Агзамовтар отбасына үш бөлмелі пәтердің кілті табыс етілді.
Жақсылық жасауға әрдайым дайын тұратындар да атап өтілді. Белсенді азаматтық ұстанымы, түрлі бағыттағы қайырымдылық қызметі үшін Сәтбаев қаласының тұрғыны Луиза Мыңбаева «Жыл меценаты» құрметті атағына ие болды. Жыл сайынғы «Жомарт Жүрек» сыйлығының лауреаттары арнайы мүсіншемен және алғыс хатпен марапатталды.