«Сауалнамаға қатысқан ел азаматтарының 91,2 пайызы Мемлекет басшысының Президенттік өкілеттігін ұзарту жөніндегі референдум өткізуді қолдайды. Ал басқаша көзқарас танытқандар респонденттердің 3,2 пайызы, ал бұл мәселеге бейтараптық танытқандар 4,8 пайызды құрады», - деді ол.
Оның атап өтуінше, сауалнамаға қатысқан тұрғындардың 61,2 пайызы орталық телеарналардан, 50,4 пайызы жергілікті телеарналардан хабардар болған. Сондай-ақ интернет желісі мен басқа да бейресми ақпарат көздері арқылы референдум жайында естіп-білгендер сәйкесінше, 26,4 және 22,6 пайызды құрап отыр.
Айта кетейік, 2010 жылдың 25 желтоқсаны мен 2011 жылдың 17 қаңтары аралығында «InfoSystem» зерттеу орталығы Қазақстан халқының әлеуметтік-саяси әл-ахуалының серпініне әлеуметтік зерттеулер өткізген болатын. Сауалнамаға еліміздің 14 облысы мен республикалық маңызы бар Алматы, Астана қалаларынан 18-54 жас аралығындағы 1600 адам қатысты.