Сауд Арабиясы Палестинаға 90 миллион доллар бөледі

АСТАНА. KAZINFORM — Сауд Арабиясы Палестина билігін қаржыландыру үшін төтенше халықаралық коалицияның құрылғанын жариялады, деп хабарлайды Aljazeera.

Нью-Йоркте БҰҰ Бас Ассамблеясының 80-ші сессиясы аясында өткен баспасөз мәслихатында Сауд Арабиясының Сыртқы істер министрі ханзада Фейсал бин Фархан Әл Сауд коалиция бірқатар маңызды серіктестермен Палестина билігіне тікелей қаржылық қолдау көрсететінін айтты.

Ол сондай-ақ Сауд Арабиясы күш салуға 90 миллион доллар бөлетінін жеткізді.

Айта кетейік, бұған дейін бірқатар Батыс елдері Палестинаны ресми түрде мойындағанын жаздық. 

Сондай-ақ Палестина халықаралық қауымдастықты Нью-Йорк декларациясын қолдауға шақырды.