Сауль Альварес: Мен Головкинмен қашан болса да айқасуға дайынмын
06:28, 21 Ақпан 2017
АСТАНА. ҚазАқпарат - Мексикалық боксшы Саул Альварес «Канелоға» (48-1-1, 34 КО) алдағы Хулио Сесар кіші Чавеспен (50-2-1, 32 КО), болатын жекпе-жекке орай өткен баспасөз мәслихатында Геннадий Головкин (36-0, 33 КО) жайлы сұрақ қойды, деп хабарлайды Sports.kz.
«Мен Головкинмен қашан болса да айқасуға дайынмын!», - деген сөзін келтіреді Universo Deportivo басылымының Канело твиттері.
Канело - Чавес жекпе-жегі 6 мамырда Лас-Вегаста болады. Ал Головкин өзінің таяудағы айқасын 18 наурызда Нью-Йоркте американдық Дэниэл Джейкобспен (32-1, 29 КО) өткізеді.
Егер Канело да, Головкин де жеңетін болса, онда олар өзара қыркүйекте кездесуі мүмкін. Бұл туралы боксшылардың промоутерлері Оскара де ла Хойи мен Том Лёффлердің ауызша келісімдері бар.