Сайлау алдындағы соңғы дебатта Обама басым түсті
11:35, 23 Қазан 2012
АСТАНА. 23 қазан. ҚазАқпарат - Кеше кешке қарай Флоридадағы Бока-Ратон қаласында Барак Обама мен Митт Ромнидің арасында өткен сайлауалды дебаттың соңғы кезеңін көрген көрген американдықтардың басым бөлігі бұл сайлауда қазіргі АҚШ-тың президенті жеңеді деп санайды.
Бұған Си-эн-эн және Си-би-эс телеарналары жүргізген қоғамдық пікірдің қорытындылары дәлел.
Бұл сөзсайыста Обама мен Ромни Таяу Шығыс пен Сириядағы жағдайлар, Иран, Пәкістан мен Қытайға қатысты АҚШ-тың жүргізіп отырған саясаты туралы пікір таластырған болатын.
Си-эн-эн телеарнасы таратқан мәліметтеріне сәйкес, респонденттердің 48 пайызы Обаманы ішкі саясаттың мәселелеріне арналған дебаттың соңғы кезеңінің жеңімпазы деп санайды, ал оның қарсыласы Ромни халықтың 40 пайыз сеніміне ие болуда. Айта кеткен жөн, дауыс берушілердің 59 пайызы Обама өзін күткеннен де айтарлықтай жақсы көрсете білді деп санайды.