Бүгін Үкіметтің кезекті отырысында ҚР Премьер-Министрі Кәрім Мәсімов осылай мәлім етті, деп хабарлайды ҚазАқпарат.
Оның айтуынша, тамыздың 17-сінде өтетін Үкіметтің селекторлық кеңесінде «100 мектеп және 100 аурухана» бағдарламасы мен «Жол картасын» жүзеге асыру мәселелері қаралатын болады. «Тамыздың 19-ында бізде 6 айдың қорытындысына арналған Үкімет отырысы жоспарланған болатын. Біз оны тамыздың 17-сінде өтетін селекторлық кеңеспен біріктіріп, үш мәселеге арналған кеңесті телеконференция үлгісінде өткізуді ұйғарып отырмыз. Жалпы, бүгінде еліміздегі әлеуметтік-экономикалық көрсеткіштер жаман емес, дегенмен бір жерде жоғары болса, екінші жерде төмен екендігін мойындау қажет. Сондықтан осы кеңесте біз әрбір аймақты сала бойынша жеке-жеке қарайтын боламыз», - деді К.Мәсімов.