Қала басшысымен кездесуге арнайы келген Алматы тұрғыны хореографиялық училищеге қатысты мәселені көтерді.
«Біріншіден, осыдан бес жыл бұрын Селезнев атындағы Алматы хореографиялық училищесінде жатақхана құрылысы басталған болатын. Осы уақытқа дейін құрылыс аяқталмай тұр. Екіншіден, жатақханада орын тапшы»,- деді тұрғын.
Ерболат Досаевтың айтуынша, Селезнев атындағы училище – республикалық мектеп. «Мәдениет министрлігімен бірлесе отырып, мынадай шешім қабылдадық. Мәдениет министрлігі құрылысы аяқталмаған жатақхананы бұзуды қамтамасыз етеді, өйткені оны пайдалануға беруге болмайды. Бұзу жұмыстары 2023 жылы жүргізіледі. Ал, училище ғимаратын қала өз балансына алып, жөндейміз. Сондықтан бұл мәселені жартылай шеше аламыз деп ойлаймын. Жатақханаға келсек, оны министрлік өзі шешуі керек»,-деді қала әкімі
Айта кетпейік, жетекші оқу орнының ашылғанына 90 жылға жуықтады. Училище түлектері әлемнің әр елінде өнер көрсетіп, балет өнерін дамытып келеді. Бұл ұжым түлектері Қазақстан балетінің негізін қалаған.