2022 жылы өзіне «қатаң адам синдромы» деп аталатын сирек кездесетін неврологиялық ауру диагнозы қойылғанын жариялаған әнші сахнаға шыққан сәтте көз жасына ерік берді.
06:42, 14 Қыркүйек 2026
Селин Дион алты жылдық үзілістен кейін сахнаға қайта оралды
АСТАНА. KAZINFORM – Канадалық әнші Селин Дион алты жылдық мәжбүрлі үзілістен кейін сенбі күні Парижде сахнаға қайта оралды. Нантердегі Plenitude Arena аренасында өткен алғашқы толыққанды концертін ол 30 мың көрермен алдында өткізді. Бұл туралы Euronews жазды.
2022 жылғы желтоқсанда Селин Дион өзіне «қатаң адам синдромы» диагнозы қойылғанын хабарлаған. Бұл – бұлшықеттердің қатаюы мен түйілуіне әкелуі мүмкін сирек кездесетін аутоиммунды неврологиялық ауру.
Емі жоқ бұл дерт әншіні концерттерін алты жылға тоқтатуға мәжбүр етті. Осы уақыт ішінде оның сахнаға қайта орала алатынына күмән келтіргендер де болды.
Еске сала кетейік, бұған дейін канадалық әйгілі әншінің осы жылдың екінші жартысында сахнаға оралуға дайындалып жатқанын жазып едік.