22:56, 14 Қаңтар 2023

Семей-Өскемен автожолында көлік апатынан жүргізуші мен жолаушы қаза тапты

СЕМЕЙ. ҚазАқпарат - Абай облысының полиция департаменті Семей-Өскемен жолындағы көлік апатына қатысты іс қозғады, деп хабарлайды ҚазАқпарат.

14 қаңтар күні сағат 13:30 шамасында Семей-Өскемен тасжолының 111/87 шақырымында жол апаты болды.

ВАЗ 21102 және Toyota Camry маркалы екі автокөлік бетпе-бет соқтығысты.

Жол-көлік оқиғасы салдарынан ВАЗ 21102 автокөлігінің жүргізушісі мен жолаушысы алған дене жарақатынан жедел жәрдем келгенше оқиға орнында көз жұмды.

Сондай-ақ, ВАЗ 21102 көлігінде кәмелетке толмаған үш жолаушы болған.

Қазіргі уақытта кәмелетке толмаған үш жолаушы, Toyota Camry көлігінің жүргізушісі мен екі жолаушы жақын маңдағы ауруханаға жеткізілді.

Абай облысы Оқиға Семей Шығыс Қазақстан облысы Өскемен

Жанат Қапалбаева

М.Х. Дулати атындағы Тараз мемлекеттік университетін бітірген. Еңбек жолын аймақтық басылымдардан бастаған. Төрт тіл біледі, кәсіби аудармашы. 2018 жылдан бері – Kazinform шығарушы редакторы. ҚР Журналистер одағының мүшесі.