СЕМЕЙ. ҚазАқпарат – Семей қаласында 10 шақырымдық арық қардан және мұздан тазартылды, деп хабарлайды ҚазАқпарат тілшісі.
ШҚО Төтенше жағдайлар департаменті баспасөз қызметінің мәліметіне сүйенсек, 13 қаңтарда Мирный кентіндегі арықты қалалық ТЖБ мамандары мен жергілікті атқарушы орган өкілдері мұқият қарап шықты.
«Тұрғын үйлерді су басудың алдын алу мақсатында арықты тазарту жұмыстары жүргізілді. Арықтың жалпы ұзындығы 10 шақырымды құрайды. Қазіргі уақытта үйлерді су басу қаупі жоқ», - деп хабарлады ведомство өкілдері.
Айта кетейік, арықты қардан және мұздан тазартуға жергілікті атқарушы орган мен №68303 әскери бөлімнен 80 адам және 7 техника жұмылдырылған.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.