СЕМЕЙ. ҚазАқпарат – Семей қаласында көктайғақта құлап, жарақат алған 20-дан астам адам дәрігерлер көмегіне жүгінді, деп хабарлайды ҚазАқпарат тілшісі.
ШҚО Денсаулық сақтау басқармасы баспасөз қызметінің мәліметіне сүйенсек, 19 ақпанда көктайғаққа байланысты жарақат алған 23 адам жедел жәрдем станциясына жүгінген. Оның 17-сі медициналық мекемеге жеткізілсе, қалғандары ауруханаға барудан бас тартты.
«10 адам дене жарақатын алса, 9 адамның қол-аяғы сынған. Зардап шеккендердің арасында балалар жоқ», - делінген хабарламада.
Естеріңізге сала кетсек, бүгін Семей қаласында екінші ауысымдағы 1-9 сынып оқушыларына сабақ өткізілмеді.
Сондай-ақ Шығыс Қазақтанда ауа райының нашарлауына байланысты бірқатар тасжол жабылған болатын.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.