СЕМЕЙ. ҚазАқпарат - Семей қаласында 4 адамның өліміне әкеліп соққан жол-көлік оқиғасына себепкер болған жүргізушіге қатысты сот үкімі жарияланды, деп хабарлайды ҚазАқпарат.
Cот отырысында белгілі болғандай, айыпталушы «Озерки-Семей» тасжолында жылдамдықты асырып жіберіп, рөлге ие бола алмай қалған. Осының салдарынан қарама қарсы бағытқа шығып кеткен көлік арыққа құлапты.
Жол-көлік оқиғасынан 4 адам көз жұмып, 1 адам жарақат алған.
«Сотталушы ҚР ҚК-нің 345-бабы 4-бөлігімен кінәлі деп танылып, 5 жыл 6 ай мерзімге түрмеге қамалды. Сондай-ақ ол 7 жылға көлік жүргізу құқығынан айырылды» - деп хабарлады Семей қалалық №2 соттың баспасөз қызметі.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.