СЕМЕЙ. ҚазАқпарат – Семей қаласында пеш ақауының салдарынан төрт бала мен бір ересек адамға иіс тиген, деп хабарлайды ҚазАқпарат тілшісі.
ШҚО Төтенше жағдайлар департаменті баспасөз қызметінің мәліметіне сүйенсек, 15 қаңтарда түнде жедел жәрдем станциясының кезекші диспетчеріне Бобровка саяжай қауымдастығында 5 адамға иіс тигені жайлы хабар түскен. Оқиға орнына бірден медицина қызметкерлері аттанды.
«Анықталғандай, бұған пештегі ақау себеп болған. Иіс тиген 4 бала мен 1 ересек азамат ауруханаға жеткізілді», - деп хабарлады ведомство өкілдері.
Осы ретте, ТЖД өңір тұрғындарына пеш мұржасын уақтылы тазалап, өрт қауіпсіздігі талаптарын қатаң сақтау қажеттігін еске салады.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.