СЕМЕЙ. ҚазАқпарат. Семей қаласында атауы жоқ даңғылға ҚР Тұңғыш Президенті Нұрсұлтан Назарбаевтың есімі берілді, деп хабарлайды ҚазАқпарат тілшісі.
Осыған орай Шығыс Қазақстан облысының әкімдігі мен мәслихатының бірлескен қаулысының жобасы дайындалды.
«Семей қаласының Қарағайлы ықшамауданындағы атауы жоқ даңғыл Нұрсұлтан Назарбаев даңғылы деп аталсын», - делінген құжатта.
Айта кетейік, даңғыл Қарағайлы ықшамауданындағы «Семей-Павлодар» тасжолынан бастау алады. Сол жағында көпсалалы мәдени-спорт кешені, Назарбаев Зияткерлік мектебі, ал оң жағында жаңадан бой көтерген тұрғын үйлер мен балабақша орналасқан.
Осыған дейін Семейде атауы жоқ даңғылға Елбасы есімін беру ұсынылғанын хабарлаған болатынбыз.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.