СЕМЕЙ. ҚазАқпарат – Семей қаласында әлеуметтік маңызы бар тауар бағаларының және тұрақтандыру қорынан жеміс-жидек пен көкөністерді жеткізу мақсатында меморандумдарға қол қойылды, деп хабарлайды ҚазАқпарат.
«Қаладағы дүкендер мен сауда орындарында азық-түлік жеткілікті. Тұрақтандыру қоры да өз жұмысын жалғастыруда. Сауда нысандарына жеміс-жидектер мен көкөністерді жеткізу бойынша 43 меморандумға қол қойылған. Сол жерлерде әр тауардың бағасы 77 теңгеден аспайтын болады», - дейді Семей қалалық кәсіпкерлік бөлімі басшысының орынбасары Анжела Маслова.
Сонымен қатар шаһарда әлеуметтік маңызы бар 19 түрлі азық-түлік бағасының өсуіне жол бермеу үшін 208 меморандум жасалды.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.