СЕМЕЙ. KAZINFORM – Семей қаласында Ертіс өзенінде су деңгейі көтерілген. Осыған байланысты Абай облысының әкімі Нұрлан Ұранхаевтың төрағалығымен төтенше жағдайлардың алдын алу және жою жөніндегі комиссияның отырысы өтті.
Фото: Абай облысының әкімдігі
Су деңгейінің көтерілуіне байланысты құзырлы органдар барлық тиісті жұмысрды жүргізуде. Қазір су деңгейі 471 см, сыртқы ауа температурасы -10 градус.
Абай облысының ТЖД барлық жеке құрамы күшейтілген режимге көшті. Су деңгейі көтерілген жағдайда Бейбітшілік аралындағы тұрғындарды эвакуациялау орындары, үй жануарларын орналастыратын жерлер анықталды.
Фото: Абай облысының әкімдігі
«Жағдай бақылауға алынды. Құтқарушылар тұрғындарға қажетті көмек көрсетуге толықтай дайын болуы қажет. Халықтың қауіпсіздігін қамтамасыз ету – біздің басты міндетіміз», - деді Нұрлан Ұранхаев.
Отырыс қорытындысы бойынша халықтың қауіпсіздігін қамтамасыз етуге бағытталған хаттама дайындалып, жауапты мекемелерге жолданды.
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.