СЕМЕЙ. KAZINFORM – Семей қаласында қатты желден көпір жақтауы құлады.
Фото: 414kz instagram парақшасы
Қалада қатты соққан жел Автогужевой көпіріндегі жақтауды құлатты. Жолаушылар көлігі және автомобиль жолдары бөлімі басшысының уақытша міндетін атқарушы Әділбек Увасилов қазіргі мән-жайды айтып берді.
«Көпірдің құлаған жақтауына лентамен белгі қойылды. Сол жағалаудан оң жағалауға қарай жаяу жүргіншілер жолы жабылған. Ал көлік жүретін төрт жолақ түгелдей ашық тұр», - деді ол.
Осының салдарынан «Қазақтелеком» АҚ-ның оптикалық байланыс желілері зақымданып, қаланың сол жағалауында интернет өшіп қалды. Жақын арада интернет жұмысы қалпына келтіріледі.
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.