СЕМЕЙ. ҚазАқпарат – Семей қаласында қосымша шектеу шараларына сәйкес бүгін, 6 сәуірден бастап қоғамдық көліктер жаңа кестемен жүреді, деп хабарлайды ҚазАқпарат.
Қала әкімдігінің мәліметіне сүйенсек, маршруттағы автобустар саны 36% -ға дейін азаяды. Ал 7 сәуірден кейін қалаішілік бағдарларда тек 68 қоғамдық көлік қатынайтын болады, яғни автобустар 80%-ға қысқартылмақ.
«Төтенше жағдай кезінде автобустар сағат 07:00-ден 20:00-ге дейін жүреді. Қоғамдық көліктердің қай жерде келе жатқанын infobus қосымшасы арқылы біліп отыруға мүмкіндік бар», - деп хабарлады әкімдіктегілер.
Естеріңізге сала кетсек, осыған дейін Өскемен мен Семей қалаларында қосымша шектеулер енгізілгенін хабарлаған болатынбыз.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.