СЕМЕЙ. KAZINFORM — Семей қаласындағы барлық мектеп оқушылары ертең қашықтан оқыту форматына көшірілді.
Абай облысы білім басқармасының мәліметіне сүйенсек, 24 қыркүйек күні Семейде су құбырларына дезинфекциялау жұмыстары жүргізіледі. Соған орай барлық мектепте сабақ қашықтан өтеді.
— Екі ауысымдағы оқушылар бір күнге онлайн форматқа көшіріледі, — делінген ақпаратта.
Еске салсақ, осыған дейін Жетісу облысында жасөспірімдер жасырын діни сабақтарға тартылғаны хабарланған. Полицейлер жатақхана ретінде пайдаланылған үй-жайларды тексеру барысында шетелдік діни әдебиеттер мен оқу материалдары тапқан.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.