Семейде токқа түсіп көз жұмған баланың ата-анасы тергеліп жатыр
17:05, 21 Тамыз 2019
СЕМЕЙ. ҚазАқпарат – Семейде 6 жасар бала музыкалық орталықтың аршылып қалған сымынан токқа түсіп көз жұмды, деп хабарлайды ҚазАқпарат тілшісі.
Шығыс Қазақстан облыстық Полиция департаментінің баспасөзқызметінің мәліметіне қарағанда, қайғылы оқиға бала ойнап жүрген кезде болған. Музыкалық орталықтың сымыныңаршылып қалған бөлігін ұстаған бала, сол жерде жан тапсырған.
«Тиісті деңгейдеқауіпсіздік шараларын қолға алмай, сәбидің өліміне түрткі болған жауапсыздығыүшін баланың ата анасына қатысты Қылмыстық кодекстің 141-бабының 2-бөлігі бойыншасотқа дейінгі тергеу шаралары басталды», - делінген департамент дерегінде.