Семейде «Жан жылуы» жәрмеңкесі өтті
15:45, 30 Желтоқсан 2013
АСТАНА. 30 желтоқсан. ҚазАқпарат - Жаңа жыл қарсаңында Семейде «Жан жылуы» атты ерекше жәрмеңке өтті.Айты айтып тұрғандай, бұл шараның басты мақсаты қолөнермен айналысатын мүмкіндігі шектеулі жандарға қолдау көрсету болды, деп хабарлайды Аltaynews.kz сайты Семей қаласының ішкі саясат бөлімінің ақпаратына сілтеме жасап.
Жәрмеңкеде қаланың қолөнер шеберлері мен мүмкіндігі шектеулі жандардың туындыларының көрмесі ұйымдастырылып, сатылымға ұсынылды.
Ұйымдастырушылардың айтуынша, осындай жәрмеңкелер жастар арасында қолөнер шеберлігіне деген қызығушылықты арттырып, тұрғындар арасында ұлттық қолөнерді кеңінен насихаттауға септігін тигізбек.
Аталмыш мейірімді шараны өткізуге бастамашы болған Семей қалалық «Нұр Отан» партиясы филиалының «Жас Отан» жастар қанаты. Іс-шараға Семей қалалық «Нұр Отан» партиясы филиалы мен қалалық ішкі саясат бөлімі қолдау көрсетті.