СЕМЕЙ. ҚазАқпарат – Семей қаласында жаяу жүргіншіні көлік қағып кетті, деп хабарлайды ҚазАқпарат тілшісі.
ШҚО Полиция департаменті баспасөз қызметінің мәліметінше, жол-көлік оқиғасы 28 қаңтар күні Семейдегі Қабанбай батыр мен Герцен көшелерінің қиылысында болған.
«Сағат 15:30 шамасында Audi маркалы көліктің 28 жастағы жүргізушісі жаяу жүргінші жолағынан өтіп бара жатқан адамға жол бермей, қағып кеткен. Соның салдарынан дене жарақатын алған жәбірленуші медициналық мекемеге жеткізілді», - деп хабарлады ведомство өкілдері.
Қазіргі уақытта аталған факті бойынша тергеу амалдары жүргізіліп жатыр.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.