СЕМЕЙ. ҚазАқпарат – Семей қаласында жылу жүйесіндегі апатқа байланысты жұмыс жүргізілуде, деп хабарлайды ҚазАқпарат.
Қалалық Төтенше жағдайлар бөлімінің хабарлауынша, 31 қаңтар күні таңертең Рысқұлов пен Синицин көшелерінің қиылысында жылу жүйесі істен шыққан.
«Осының салдарынан 580 абонент жылусыз қалды. Қазір сол жерде 11 адам мен төрт техника жұмыс істеуде. Тиісті шаралар кешкі 17-ге дейін аяқталады», - деп түсіндірді Семей тұрғын-үй инспекциясының басшысы Светлана Заурбекова.
Ведомство өкілдерінің мәлімдеуінше, жылу жүйесіндегі апаттан зардап шеккен ешкім жоқ.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.