СЕМЕЙ. ҚазАқпарат – Семей қаласындағы Ертіс өзенінің жағалауын нығайтуға 1 млрд теңгеден астам қаржы бөлінген, деп хабарлайды ҚазАқпарат тілшісі.
Қала әкімдігінің мәліметіне сүйенсек, бүгінгі таңда Ертіс өзенінің жағалауын нығайту жұмыстары 80 пайызға орындалды.
«Жұмыспен қамтудың жол картасы» бағдарламасы аясында іске асырылып жатқан жобаға 1 миллиард 444 миллион теңге бөлінген. Осы жылдың шілдесінде басталған жұмыстар 2022 жылдың қаңтарында аяқталады деп жоспарланып отыр», - делінген ақпаратта.
Жағалауды нығайту жұмыстары төрт учаскеде жүргізілмек. Атап айтқанда, Пристань ауданында, «Бейбітшілік» аралында, Мирный және Восточный елді мекендерінде.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.