00:24, 04 Қыркүйек 2020

Семейлік алаяқ бөгде біреудің пәтерін сатып жіберген

СЕМЕЙ. ҚазАқпарат – Семей қаласында бөгде біреудің пәтерін 14 миллион теңгеге сатқан алаяқ ұсталды, деп хабарлайды ҚазАқпарат тілшісі.

Қалалық полиция басқармасы баспасөз қызметінің мәліметіне сүйенсек, таяуда полиция бөлімшесіне хабарласқан ер адам Раушан есімді танысының Шәкәрім даңғылындағы 4 бөлмелі пәтерді сататындығын айтып, 14 000 000 теңгесін алғанын айтқан.

«Пәтерді сатып алдым деп ойлаған азамат сонда көшіп барды. Алайда бірнеше күннен кейін үй иелері келіп қалған. Олар пәтердің сатылмағандығын айтып, үйді босатуын талап етті», - делінген ведомство мәліметінде.

Жедел іздестіру шаралары барысында криминалдық полиция бөлімінің қызметкерлері күдіктіні қолға түсірді. Бұрын сотталған 32 жастағы қала тұрғыны ақшаны жұмсап үлгерген. Ол өз кінәсін мойындап отыр. Қазіргі уақытта тәртіп сақшылары Қазақстан Республикасы Қылмыстық кодексінің 190-бабы 4-бөлігі (Алаяқтық) бойынша сотқа дейінгі тергеу амалдарын жүргізуде.


Оқиға Шығыс Қазақстан облысы Қылмыс Қылмыспен күрес
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.