Семейлік студенттер Оңтүстік Кореяда тегін оқиды
04:34, 05 Маусым 2018
СЕМЕЙ. ҚазАқпарат - Шәкәрім атындағы Семей мемлекеттік университетінің 29 студенті Оңтүстік Кореяның Сокчо қаласындағы Кьюнгдонг университетінде тегін жазғы курстарға қатысады, деп хабарлайды «ҚазАқпарат» ХАА тілшісі.
Студенттер Оңтүстік Кореяға Шәкәрім және Кьюнгдонг университеттері жасасқан екіжақты меморандум аясында барып қайтады.
Үш айлық курстарда қазақстандық студенттер халықаралық бизнес, компьютерлік технологиялар, корей тілі мен әдебиеті пәндері бойынша оқиды.
6 маусымда педагогтар өз студенттерін алыс сапарға шығарып салады.
Аталған шаралар «Рухани жаңғыру» бағдарламасы аясында іске асырылып жатыр.