СЕМЕЙ. ҚазАқпарат - Семей қаласында «Қазақстанның 100 жаңа есімі» жобасының жеңімпазы Қуандық Қанатовпен кездесу өтті, деп хабарлайды ҚазАқпарат.
Ефрейтор Қуандық Қанатов түн жарымында қызыл жалын шарпыған жатақхана ішінен 15 адамды құтқарып қалған. Осы үшін ол «Ерлігі үшін» медалімен марапатталды. Бейбіт күннің батыры «Қазақстанның 100 жаңа есімі» жобасының жеңімпазы да атанған.
Радиотехника және байланыс колледжінің студенттерімен кездесу барысында Қуандық сол оқиғаның қалай болғанын айтып берді.
«Бәрі қас қағым сәтте өте шықты. Ойланбастан көмекке ұмтылдым. Менің орнымда кім болса да солай істер еді. Жатақхана тұрғындарының басым бөлігі қарттар мен балалар болатын», - дейді ол.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.