АСТАНА. KAZINFORM – Семсерлесуден жасөспірімдер арасындағы әлем кубогы кезеңінде қазақ спортшылары командалық сында күміс жүлдеге қол жеткізді.
ҚР Ұлттық олимпиадалық комитеті мәлім еткендей, шпагамен семсерлесуден Қазақстан командасының мүшелері Богдан Лукир, Георгий Тинников, Ғабиден Мұстафин және Алексей Касаткин финалда жарыс қожайындарына ғана есе жіберді.
Аталған спортшылар былтыр да осындай нәтижемен қуантқан болатын.
Айта кетейік, қазіргі таңда шпагамен семсерлесуден Қазақстан командасы Халықаралық семсерлесу федерациясының командалық рейтингінде алғашқы алтылыққа енеді.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.