ОРАЛ. 30 шілде. ҚазАқпарат - Қазақстан Республикасы Парламент Сенатының депутаты Ерболат Мұқаев Қазталов ауданының активімен кездесті.
Кездесуде сенатор осы кезеңде 126 заң қабылданғанын айта келіп, еліміздегі білім сапасын көтеру, басқа да салаларды дамыту, Кедендік одақтың пайдалы жақтары мен кейбір айқындалмай тұрған мәселелеріне де тоқталды. Сондай-ақ, депутат өңірдің әлеуметтік-экономикалық дамуы бағытында атқарылып жатқан жұмыстар жайынан да хабардар етті.
Кездесуде сөз алғандар шекара, Ресейден өзендерге келетін су, тұрғын үй, дін және басқа да мәселелер жөнінде сауалдар қойып, оған тиісті жауаптар алды.
Сенат депутатымен болған кездесу жиынын қорытындылаған аудан әкімі Рыспай Өтешев халық қалаулысының жоғары палатада атқарып жүрген жұмысына сәттілік тіледі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).