Кездесулерде Мемлекет басшысының биылғы Жолдауында белгіленген даму бағдарламасын жүзеге асыру мәселелеріне ерекше назар аударылды. Аймақтық даму, агроөнеркәсіп кешенін нығайту, кәсіпкерлікті қолдау міндеттері тұрғысында облыстың әлеуметтік-экономикалық даму нәтижелері талқыланды.
Әулиекөл, Қостанай, Сарыкөл, Меңдіқара аудандарының халқымен кездесулерде депутат Сенаттың заң шығару қызметі туралы айтып, қолданыстағы заңнамаға аграрлық саланы дамыту, ауыл шаруашылығы өнімдерін өндіру, әсіресе, субсидиялау мен салық жеңілдіктері туралы енгізілген өзгерістер жайында хабардар етті.