Заң жобасы Президенттің 2009 жылғы 24 тамыздағы Жарлығымен бекітілген Қазақстан Республикасының 2010 жылдан 2020 жылға дейінгі кезеңге арналған құқықтық саясат тұжырымдамасына сәйкес әзірленді.
Патент құқығы туралы шартты (бұдан әрі - PLT шарты) 2000 жылғы 1 маусымда консенсус арқылы 140-тан астам тәуелсіз мемлекеттердің қатысуымен Дүниежүзілік зияткерлік меншік ұйымының (ДЗМҰ) аясында құрылған Дипломатиялық конференция қабылдады және ол 2006 жылғы 1 қаңтардан бастап күшіне енді. Оның ережелері 1970 жылғы 19 маусымдағы Патенттік кооперация туралы шартқа тығыз байланысты, Қазақстан оған 1993 жылғы 5 ақпанда қосылды.
PLT шарты қатысушы мемлекеттердің патенттік ведомстволары жүзеге асыратын патент берудің рәсімдік нормаларын үйлестіруге және оңайлатуға бағытталған. Сондай-ақ патент беруге арналған өтінімдерге, патент алу мен оның күшін сақтау рәсімдеріне қойылатын оңайлатылған талаптарды көздейді.
Заң жобасы палата қарауына жіберілді.