Сенат Төрағасы православ христиандарын Пасха мерекесімен құттықтады
14:26, 04 Мамыр 2013
АСТАНА. 4 мамыр. ҚазАқпарат - ҚР Парламенті Сенатының Төрағасы Қайрат Мәми өз блогында православ христиандарын Пасха мерекесімен құттықтады.
Онда: «5 мамырда православ христиандары Пасха діни мерекесін атап өтеді. Пасха салтанаты адамдарды ізгілік пен қайырымдылыққа шақырады, мейірім, аяушылық және жақын адамдарға қамқорлық секілді биік адамгершілік құндылықтардың қоғамда берік орнығуына ықпал етеді. Православ христиандарын Пасха мерекесімен құттықтаймын!», - делінген.