2017-2018 жылдарда БҰҰ Қауіпсіздік Кеңесіне тұрақты емес мүше болуға Қазақстан Республикасының кандидатурасын ілгерілету жөніндегі Қазақстан Республикасы Президентінің Арнаулы Уәкілі Бірғаным Әйтімова Суринам, Танзания, Сент-Люсия және Ямайканың елшілерімен, сондай-ақ шетел мемлекеттерінің және БҰҰ құрылымдарының жоғары лауазымдағы өкілдерімен кездесті.
Сенатор сондай-ақ, БҰҰ Саммиті аясындағы 2015 жылдан кейінгі кезеңде даму саласындағы күн тәртібіне Ғаламшарды қорғау және климаттың өзгеруімен күрес атты интерактивтік үнқатысуға, «Баршаға арналған әділетті болашақ» министрлік таңғы асына, «Әйелдер және қылмыстық сот төрелігі» түскі асына, сондай-ақ «2015 жылдан кейінгі дамудың күн тәртібіндегі әйелдер, бейбітшілік және қауіпсіздік» шарасына қатысты.