АСТАНА. KAZINFORM — Сербия астанасы Белградта бокстан өтіп жатқан дәстүрлі Бранко Пешич мемориалында финалға шыққан спортшылар анықталды.
Қазақстан бокс федерациясының баспасөз қызметінен мәлім еткеніндей, ел намысын қорғаған 12 спортшының 8-і финалға шықты.
Сенбі күні шаршы алаңға шыққан төрт боксшының бәрі де жеңіске жетті. 71 келіде Сабыржан Аққалықов монтенегролық Стефан Савковичті жеңсе, Диас Молжігітов (75 кг) ресейлік Джамбулат Бижамовты тізе бүктірді. 80 келді Ерасыл Жақпеков сербиялық Златко Турковичтен айласын асырса, Данияр Рахымбердинов (92 кг) тағы бір шаршы алаң иесі Мирослав Савичті қапы қалдырды.
Осылайша, Belgrade winner турнирінің финалында мына боксшыларымыз жұдырықтасады:
48 келі: Ернұр Қайрат
51 келі: Санжар Тәшкенбай
54 келі: Дәулет Молдашев
71 келі: Сабыржан Аққалықов
75 келі: Диас Молжігітов
80 келі: Ерасыл Жақпеков
92 келі: Данияр Рахымбердинов
92 келі: Олжас Боқаев
Еске сала кетейік, бұдан бұрын Бранко Пешич турнирінде екі боксшымыздың финалға шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).