17:03, 05 Шілде 2023

Сергей Михайлов ТАСС агенттігінің бас директоры қызметінен кетті

МӘСКЕУ. ТАСС – ҚазАқпарат – РФ премьер-министрі Михаил Мишустин Сергей Михайловты Ресейдің ТАСС ақпарат агенттігі бас директоры қызметінен босататын жарлыққа қол қойды. Бұл туралы РФ үкіметінің баспасөз қызметінен мәлім етті, деп хабарлайды ҚазАқпарат.

Фото: Владимир Мусаэльян/ТАСС

Агенттік басшысы қызметіне бұған дейін ВГТРК бас директорының бірінші орынбасары болған Андрей Кондрашов тағайындалды.

А.Кондрашов 1973 жылы Алматыда туған. 1991 жылдан телевидениеде еңбек етіп келеді. ВГТРК-ның Орталық Азия бойынша меншікті тілшісі болған. 2018 жылы ВГТРК бас директорының орынбасары қызметіне тағайындалды.

БАҚ Ресей Әлем Әлем жаңалықтары

Балнұр Қожагелді