АСТАНА. ҚазАқпарат - Ресейлік маман Сергей Попков «Оқжетпес» командасының бас бапкері қызметінен кетті, деп хабарлайды ҚазАқпарат тілшісі.
Сергей Попков көшетаулық командаға 2021 жылдан бастап жетекшілік жасады. Былтыр бірінші лигада көш бастап, Премьер-лига жолдамасына ие болды. Дәл осындай көрсеткішке 2018 жылы да қол жеткізді.
«Оқжетпес» командасы бас бапкері міндетін атқару қазақстандық маман Андрей Ферапонтовке жүктелді.
Қазір ел біріншілігінде көкшетаулық клуб 17 ойыннан кейін 14 ұпаймен 11-орында келеді.
Команда бүгін өз алаңында Талдықорғанның «Жетісу» клубын қабылдайды.
Аталған тур 12 және 13 тамыз күндері өтеді. Сенбіде 2 ойын болса, жексенбіге 4 кездесу белгіленген.
Бұл турдың 10 мамырында алдын ала өткізілген ойынында «Мақтарал» (Түркістан облысы) елордалық «Астанаға» 0:1 есебімен жол берген еді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.