АСТАНА. KAZINFORM – ҚР Премьер-министрінің орынбасары – Ұлттық экономика министрі Серік Жұманғарин сайлауды өткізуге қаржы республикалық бюджеттен бөлінетінін мәлімдеді.
– Құрылтай сайлауына жұмсалатын нақты шығын сайлау күні белгіленгеннен кейін анықталады, – деді ол Парламент палаталарының бірлескен отырысынан кейінгі баспасөз мәслихатында журналистер сұрағына жауап бере отырып.
Вице-премьердің сөзінше, бұл мәселе бойынша нақты цифрды атауға әлі ерте. Өйткені, сайлауды өткізуге дайындық қазір де жалғасып жатыр.
Айта кетейік, бұған дейін Парламент Құрылтай мен оның депутаттары жөніндегі құжатты қарайтынын жазғанбыз.
Алпамыс Файзолла
Әл-Фараби атындағы ҚазҰУ журналистика факультетінің түлегі. Л.Н. Гумилев атындағы ЕҰУ-де қазақ тілі мен әдебиеті бойынша магистратураны бітірген. Сондай-ақ, Ұлыбританиядағы Абердин университетінде магистратурада оқыған. Республикалық телеарналарда қызмет атқарған. 2026 жылдан бастап «ҚазАқпарат» халықаралық ақпарат агенттігінің тілшісі.