"Сондай-ақ, 20 маусым мыңдаған түлектердің тағдыры шешілетін күн екендігін атап өту керек. Бұл күні түлектер ұлттық бірыңғай тестілеуден өтуді бастайды. Бұдан бөлек, осы күні Білім және ғылым министрлігі "Серпін" бағдарламасына арналған пресс-тур ұйымдастырады. Сол кезде Шығыс Қазақстан облысы Риддер қаласында алғашқы түлектерге диплом табысталады", - деді Орталық коммуникациялар қызметінің ресми өкілі Оксана Лоскутова бүгінгі баспасөз мәслиxатында.
21 маусым күні денсаулық сақтау министрлігі осы саланың кадрлық ресурстарын дамытуға арналған "Денсаулық барлығы үшін" V Халықаралық конгресті өткізеді. Жиынға еліміздің 2 мыңнан астам жетекші мамандары қатысады. Конгресс аясында жоғары теxнологиялық қызметтер мен медициналық туризм бойынша көрме ұйымдастырылады. Ал қорғаныс министрлігі экстремалды журналистика бойынша семинар өткізеді.
Айта кетейік, осы аптада депутаттар қазақ-өзбек шекарасынан өткізу ережесіне түзетулер енгізбекші.