АСТАНА. ҚазАқпарат - Астана қаласында өтіп жатқан әлемдік шахмат тәжі үшін ойынның екінші партиясы Ян Непомнящийдің пайдасына аяқталды, деп хабарлайды ҚазАқпарат тілшісі.
Еллордада 7 сәуір - 1 мамыр аралығында шахматтан әлем чемпионаты өтіп жатыр. Онда Ян Непомнящий (ФИДЕ) мен қытайлық Дин Лижэнь әлем чемпионы атағына таласады.
Ойынның екінші партиясы Ян Непомнящийдің пайдасына аяқталды.
9 сәуірде өткен екі шахматшы арасындағы алғашқы партияда тең нәтиже тіркелген еді.
Қазір қос шахматшы арасындағы кездесуде Ян Непомнящий 1,5:0,5 есебімен алда тұр.
Ертең - ресми демалыс күні. Екі шахматшы арасындағы бәсекенің үшінші партиясы 12 сәуірге жоспарланған.
Кездесу нәтижесінде шахматтан әлемнің 17-чемпионы анықталады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.