АСТАНА. KAZINFORM — Шахматтың блиц түрінен екі дүркін (2021, 2022) әлем чемпионы Бибісара Асаубаева тоғызыншы Swiss Queens Wednesday онлайн турнирінде жеңімпаз атанды. Қазақстан шахмат федерациясынан мәлім еткеніндей, Бибісара мүмкін болған 11 ұпайдың 10,5-ін жинап, үздік шықты.
Б.Асаубаева өзінен кейінгі қарсыластарынан 2 ұпайға озып кетті.
Swiss Queens Wednesday онлайн жарыстары ФИДЕ-нің 100 жылдығын мерекелеу аясында өткізілуде. Оған әлемнің ФИДЕ титулына ие маңдайалды шахматшылары қатысуда. Әр турнирдің жүлде қоры 1 мың АҚШ доллары көлемінде бағаланып отыр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).