ОРАЛ. Шілденің 14-і. ҚазАқпарат /Ғайсағали Ералы/ - Жәнібек аудандық музыка мектебі күрделі жөндеуден кейін қайта ашылды,
деп хабарлайды ҚазАқпарат тілшісі.
Мектеп директоры Алтай Бақтығалиевтің айтуынша, осы мақсатқа 19 млн. 974 мың теңге бөлінді. Күрделі жөндеу жұмыстарын «Символ» ЖШС (директоры Ескендір Елемесов) құрылысшылары мерзімінен бұрын, екі айдың ішінде атқарып шықты.
1956 жылы салынған ғимарат содан бері жөндеу көрмеген болатын. Қазіргі заманғы талапқа сай толық жаңартылған мектепте жеткіншектер өз өнерлерін ұштайтын болады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).