Шанхай Диснейлендінің президенті әрі бас директоры Эндрю Болштейн парк аумағында «Өрмекші адам» атты жаңа тақырыптық аймақтың құрылысы жалғасып жатқанын хабарлады. Жақында негізгі аттракцион — фирмалық қызыл жолақты американдық төбешікке арналған рельстерді төсеу жұмыстары аяқталған.
Он жыл ішінде парк Шанхайдағы ең ірі туристік нысандардың біріне айналды. Оның қызметі 15 мыңнан астам жұмыс орнын құруға ықпал етті.
Парк дамуы мегаполистегі туризм саласының өсуімен қатар жүріп келеді. Егер 2011 жылы Шанхайға шамамен 230 миллион ішкі турист келген болса, туризмнен түсетін табыс 40,9 млрд доллар (278,6 млрд юань) болған, ал 2025 жылға қарай туристер саны 416 миллион адамға жетіп, табыс шамамен 83,2 млрд долларды (566,68 млрд юань) құрады.
Қытайдағы визасыз режимнің кеңеюі де қосымша туристер ағымын арттырды. Әсіресе Жапония, Корея және Оңтүстік-Шығыс Азия елдерінен келушілер саны айтарлықтай өскен.
The Walt Disney Company компаниясының бас директоры Джош Д’Амаро парк жасаушылар Disney дәстүрлерін қытай мәдениетімен ұштастырып, әлемдік деңгейдегі бірегей жоба құруды мақсат еткенін айтты.
Шанхай Диснейлендіндегі билет бағасы маусым мен апта күніне байланысты өзгеріп отырады: шамамен 475–799 юань (65–110 доллар). 3–11 жас аралығындағы балалар мен 65 жастан асқан қонақтарға 25% жеңілдік қарастырылған.
Айта кетейік, әлемдегі ең танымал парктерді салушы әйгілі америкалық IdeAttack, Inc. компаниясы Қырғызстанда халықаралық деңгейдегі Диснейленд салмақ.