АСТАНА. KAZINFORM — Қазақстанның бірінші, әлемнің 22-ракеткасы Александр Бублик Шанхай (Қытай) ATP 1000 турнирінің ширек финалына шыға алмады.
Қазақстандық теннисші төртінші айналымда әлемнің 2-ракеткасы, германиялық Александр Зверевке тап келді.
Бұл матчтың фавориті германиялық спортшы еді.
Бірінші партияда тай-брейкте Зверевтің мерейі үстем болды - 7:6 (8:6).
Екіншісінде Бублик брейк жасап, басымдылық танытты - 6:4.
Үшінші, шешуші сетте тағы да тай-брейкте германиялық теннисшінің асығы алшысынан түсті - 7:6 (7:1).
Екі сағат 41 минутқа созылған тартысты бәсекеде Бублик 20 эйспен бірге 3 брейк-пойнттың екеуін құр жіберген жоқ. Зверев 14 эйс, 1 брейкпен (6 брейк-пойнт) ерекшеленді.
Еске сала кетейік, бұдан бұрын Юлия Путинцеваның Қытайдағы турнирде негізгі кезеңге өткенін жазған едік.
Шанхай мастерс турнирінде Александр Бублик қарсыласын камбэкпен жеңді.
Елена Рыбакина әлемдік рейтингіде көшбасшылық орнын сақтап қалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).