Байрақты бәсекені ширек финалдық кездесуден бастаған боксшымыз әзербайжандық қарсыласы Асеф Асланлыдан айласын асырды. Алғашқы кездесуінде қарсыласынан өз басымдығын барлық төрешілерге мойындатқан И.Дычко жартылай айналымда өзбекстандық Баходыр Джалоловпен қолғап түйістіреді.
Айта кетерлігі, И.Дычко - Джексон турнирінде өнер көрсетіп жатқан Қазақстан құрамасынан жартылай финалға шыққан жалғыз спортшы. Бұған дейін Ташкентегі жарыс жолын Зәкір Сафиуллин, Алмасбек Орынғалиев, Сапарбай Айдаров және Нұрдәулет Жарманов аяқтаған болатын.
Еске сала кетейік, Лондондағы Олимпиаданың қола жүлдегері, ауыр салмақтағы қазақстандық боксшы Иван Дычко Алматыдағы әлем чемпионатының финалында Магомедрасул Меджидовтен нокаутпен жеңілген болатын. Ол рингтен дәрігерлердің көмегімен кетті. Спортшының бабына келуі үшін бір жылдай уақыт қажет болды.